ბაღდათის მუნიციპალიტეტის N2 საჯარო სკოლაში STEAM სკოლა გაიხსნა.სკოლის გახსნას ბაღდათის მუნიციპალიტეტის მერი კახა ენუქიძე, საკრებულოს თავმჯდომარე ნოდარ გიორგიძე, საგანმანათლებლო რესურს ცენტრის ხელმძღვანელი ნინო მშვილდაძე, ბაღდათის მეორე საჯარო სკოლის დირექტორი ლალი აბჟანდაძე, პროექტი“ინოვაცია, ინკლუზიურობა და ხარისხის საქართველოს(12Q)” პროექტის ხელმძღვანელი ხატია ცირამუა და პროექტის მიმართულების საერთაშორისო ექსპერტი დოქტორი ჯეფრი ნოვაკი დაესწრნენ.
STEAM სკოლა, პროექტ ,,ინოვაციის, ინკლუზიურობისა და ხარისხის პროექტის- საქართველო12Q ” ფარგლებში გაიხსნა.STEAM სკოლა საშუალებას აძლევს მოსწავლეებს განივითარონ საჭირო უნარ-ჩვევები, გახდნენ მეტად ინოვაციურები და აქტიურები, ისწავლონ პროგრამირებისა და რობოტიკის საფუძვლები, ჩაერთონ სხვადასხვა კონკურსებსა და ოლიმპიადებში.STEAM სკოლის გახსნის ღონისძიებაზე, STEAM კლუბის თანადამფუძნებლებმა და წევრებმა აღნიშნული სკოლის მნიშვნელობაზე ისაუბრეს და თავიანთი ნამუშევრები წარმოადგინეს.ათასწლეულის გამოწვევის ფონდის 2024-2025 წლის მონაწილეებმა, რომლებიც საუკეთესო ხუთეულში მოხვდნენ, მოწვეულ სტუმრებს თავიანთი მუშაობის გამოცდილება გაუზიარეს და შექმნილი პროექტები გააცნეს. ერთ-ერთი ასეთი გახლდათ ,,ჭკვიანი სათბური”, რომლის შესახებაც აუდიტორიამ იხილა, როგორც პრეზენტაცია, ისე ვიდეო-რგოლიც.გარდა ამისა, STEAM კლუბის მონაწილეებმა, კლუბში მონაწილეობის გამოცდილებაზე ისაუბრეს და წარმოადგინეს თავიანთი შექმნილი რობოტები და სხვადასხვა მოწყობილობები.
