ბაღდათის მუნიციპალიტეტში ეროვნული სამოსისა და მუზეუმების საერთაშორისო დღე აღნიშნეს. ღონისძიების ფარგლებში ა.(ა).ი.პ. ბაღდათის ხელოვნებისა და კულტურის განვითარების ცენტრის ცეკვის ანსამბლის მოცეკვავეებმა სხვადასხვა ტანისამოსი მოირგეს და ეროვნული სამოსის დღეს გამოეხმაურნენ. ვლადიმერ მაიკოვსკის სახლ-მუზეუმში კი მუზეუმების საერთაშორისო დღე აღნიშნეს. მონაწილეებმა მუზეუმისა და ვლადიმერ მაიკოვსკის შესახებ ისაუბრეს და დამსწრე საზოგადოებას კონსტანტინე კიკნაძის ახალი წიგნი “ტყვიის წერტილი” წარუდგინეს, რომელიც ხელოვნებისა და კულტურის განვითარების ცენტრისა და ადგილობრივი თვითმმართველობის მხარდაჭერით გამოიცა.
