მოსახლეობასთან შეხვედრა დღეს სოფელ შუბანში ფერსათსა და წითელხევში გაიმართა.
სოფელ შუბანში მოსახლეობამ აღნიშნული პროგრამის ფარგლებში ხმათა უმრავლესობით პრიორიტეტად გარე განათების მონტაჟი და ბეტონის საფარის დაგება დაასახელა, სამუშაოებისთვის 12 000 ლარი გამოიყოფა.
სოფელ ფერსათში მაცხოვრებლების გადაწყვეტილებით გარე განათების მონტაჟი, სოფლის სასაფლაოს და სპორტული მოედნის შემოღობვა დასახელდა, რომლისთვისაც 20 000 ლარი დაიხარჯება.
სოფელ წითელხევში მოსახლეობის გადაწყვეტილებით გარე განათების მონტაჟი, სანიაღვრე არხების მოწყობა, წყლის მილების რეაბილიტაცია და სოფლის სასაფლაოს გზის მოხრეშვა შეირჩა. რისთვისაც პროგრამის ფარგლებში 20 000 ლარი გამოიყოფა.
ბაღდათის მუნიციპალიტეტში სოფლის მხარდაჭერის პროგრამის ფარგლებში პროექტების დასაფინანსებლად სულ 346 000 ლარია გამოყოფილი.
საპროექტო წინადადებების განხილვას ბაღდათის მუნიციპალიტეტის მერის პირველი მოადგილე დავით სილაგაძე, მერიის ადამიანური რესურსების მართვისა და საორგანიზაციო საკითხთა განყოფილების ხელმძღვანელი ეკა მშვილდაძე, მერის წარმომადგენლები ტერიტორიულ ერთეულებში და საკრებულოს მაჟორიტარი დეპუტატები დაესწრნენ.
