,,ადგილობრივი მოსახლეობის განვითარების ინიციატივა – მცირე ბიზნესის განვითარების პროექტი 4″

“ადგილობრივი მოსახლეობის განვითარების ინიციატივა – მცირე ბიზნესის განვითარების პროექტი 4” ინიცირებული და დაფინანსებულია bp-სა და მისი პარტნიორების მიერ საქართველოს მილსადენის კომპანიაში.

პროექტის მიზანია ურთიერთობების გაღრმავება bp-სა და დასავლეთის მიმართულების  საექსპორტო მილსადენის (WREP) გასწვრივ მდებარე სამიზნე თემებსა და იგპ-თა დასახლებებს შორის ეკონომიკური ზრდის ხელშეწყობის და კეთილდღეობის ამაღლების მეშვეობით მცირე და საშუალო და აგრობიზნესის განვითარების გზით.

პროექტს ახორციელებს კონსულტაციისა და ტრენინგის ცენტრი CTC, რომელიც აცხადებს

საგრანტო კონკურსს დამწყები და არსებული მეწარმეებისათვის

კონკურსში მონაწილეობა შეუძლიათ დასავლეთის მიმართულების (ბაქო-სუფსის) საექსპორტო მილსადენის გასწვრივ მდებარე სამიზნე თემებისა და იგპ-თა დასახლებების მცხოვრებლებს, რომელთაც გააჩნიათ მკაფიო ბიზნეს-იდეა და მოტივაცია საკუთარი ბიზნესის შესაქმნელად, გარდა:  

• 18 წლამდე ასაკის პირებისა;
• პირების, რომლებიც არ ცხოვრობენ ან/და არ არიან რეგისტრირებული მცირე ბიზნესის განვითარების პროექტის სამიზნე სოფლებში და იგპ-თა დასახლებებში;
• სოფლის ადმინისტრაციულ ერთეულებში მერის წარმომადგენლის, სპეციალისტებისდა მათი ოჯახის წევრებისა;
• მცირე ბიზნესის განვითარების პროექტის წინა ფაზის ბენეფიციარებისა, რომელთა დაფინანსების დღიდან გასულია 5 წელიწადზე ნაკლები დრო;
• იურიდიულ პირების, ამხანაგობების და გაერთიანებებისა.

საგრანტო კონკურსის პრიორიტეტული მიმართულებებია: სასოფლო–სამეურნეო, სამრეწველო, გადამამუშავებელი და შემნახველი წარმოება, კლიმატგონივრული და ბიო/ორგანული წარმოება, დივერსიფიკაცია და ინოვაციური ტექნოლოგიები, ღირებულებათა ჯაჭვის შექმნა და სხვ.

კონკურსის მონაწილეებს შეუძლიათ განაცხადის შემოტანა სამი სახის გრანტებზე:

• დამწყებ მეწარმეებს – მაქსიმალური ოდენობით 5000 ლარი;
• არსებულ მეწარმეებს – მაქსიმალური ოდენობით 10000 ლარი ან მაქსიმალური ოდენობით 20000 ლარი.

აუცილებელ პირობას წარმოადგენს კონკურსანტების თანადაფინანსება მოთხოვნილი თანხის არანაკლებ 30%-ს ოდენობით დამწყები ბიზნესის შემთხვევაში და მოთხოვნილი თანხის არანაკლებ 40%-ს ოდენობით არსებული ბიზნესის შემთხვევაში.

გრანტის თანხით დაშვებულია მხოლოდ კაპიტალური აქტივების შეძენა: მანქანა-დანადგარები, აღჭურვილობა, მოწყობილობები, ინსტრუმენტები, ორგტექნიკა, საწარმოო და სამეურნეო ინვენტარი, საწარმოო ავეჯი.

საგრანტო კონკურსი ტარდება სამ ეტაპად:

1. წარმოდგენილი განაცხადები განიხილება შესარჩევი კომისიის მიერ, რომელიც შეაფასებს მათ შემდეგი კრიტერიუმების მიხედვით: აღწერის დეტალურობა, განხორციელებადობა, ბიზნეს-იდეის ინოვაციურობა, მდგრადობის პოტენციალი და პერსპექტიულობა, განხორციელებასთან დაკავშირებული რისკები და ბიუჯეტის რეალისტურობა.
2. მეორე ეტაპზე გადასული კონკურსანტები გაივლიან ბიზნეს-გეგმის შედგენის ტრენინგს და შეიმუშავებენ ბიზნეს-გეგმებს, რომლებიც შეფასდება შესარჩევი კომისიის მიერ.
3. საბოლოო ეტაპზე გადასული კონკურსანტები მოახდენენ ბიზნეს-გეგმების პრეზენტაციას შესარჩევი კომისიის წინაშე.

საგრანტო კონკურსში მონაწილეობის მსურველებმა განაცხადი ბიზნეს-იდეის აღწერით უნდა გამოაგზავნონ 2023 წლის 3 თებერვლის 17:00-მდე, ერთ-ერთზე ქვემოთ მითითებული ელექტრონული ფოსტებიდან, თავიანთი მუნიციპალიტეტების მიხედვით ან შეავსონ ონლაინ-განაცხადი ბმულზე https://forms.gle/soALHtm4N8k9LuRp7. დაგვიანებით წარმოდგენილი განაცხადები არ განიხილება.

კითხვებისა და დამატებითი ინფორმაციისთვის დაგვიკავშირდით:

კონსულტაციისა და ტრენინგის ცენტრი CTC

 

ქუთაისის ოფისი: ქ. ქუთაისი, ნოდარი დუმბაძის ქ. #8 ტელ: 0431 255788

ალექსი ხარშილაძე, ბიზნესის განვითარების სპეციალისტი

ჭიათურის, ზესტაფონის, თერჯოლის და ბაღდათის მუნიციპალიტეტებში

ტელ: 577 199957, email: alex.kharshiladze@ctc.org.ge 

 

ქეთო დვალიშვილი,  ბიზნესის განვითარების სპეციალისტი

სამტრედიის, ვანის, აბაშის და ლანჩხუთის მუნიციპალიტეტებში

ტელ: 591 191656, email: keto.dvalishvili@ctc.org.ge

 

მარიანა ლოთიაშვილი, პროექტის მენეჯერი

ტელ: 591 513771, email: mariana.lotiashvili@ctc.org.ge 

 

თბილისის ოფისი: ქ. თბილისი, ოთარ ჩხეიძის ქ. #5

ტელ: 0322 206774

 

მაია მამასახლისი, ბიზნესის განვითარების სპეციალისტი

გარდაბნის, მცხეთის, კასპის და გორის მუნიციპალიტეტებში

ტელ: 599 731164, email: maia.mamasakhlisi@ctc.org.ge

 

ნინო მძინარაშვილი, ბიზნესის განვითარების სპეციალისტი

გორის, ქარელის, ხაშურის და საჩხერის მუნიციპალიტეტებში

ტელ: 599 502235, email: nino.mdzinarashvili@ctc.org.ge

 

ადგილობრივი მოსახლეობის განვითარების ინიციატივა –

მცირე ბიზნესის განვითარების პროექტი 4

 

საგრანტო კონკურსი დამწყები და არსებული მეწარმეებისათვის 

განაცხადი

1. ინფორმაცია განმცხადებლის შესახებ
   • სახელი, გვარი:
   • პირადი ნომერი:
   • დაბადების წელი:
   • ფაქტიური მისამართი (მუნიციპალიტეტი, სოფელი):
   • საკონტაქტო ტელეფონი:
   • საკონტაქტო ელ. ფოსტა:

2. ბიზნეს-იდეის აღწერა

2.1. მოკლედ აღწერეთ, რა პროდუქტის წარმოებას აპირებთ:

2.2. რამდენი იქნება წარმოების წლიური მოცულობა: 

2.3. როგორი იქნება პროდუქტის გასაყიდი ფასი: 

2.4. რამდენი იქნება მოსალოდნელი წლიური შემოსავალი, ხარჯი და მოგება:

2.5. სად მოხდება პროდუქტის გასაღება, ვინ იქნებიან პროდუქტის მყიდველები/კლიენტები:

2.6. ბიზნესის სტატუსი:      ახალი        არსებული  (არასაჭირო წაშალეთ)

2.7. მოკლედ აღწერეთ თქვენი გამოცდილება ბიზნესის განხორციელების დარგში:

3. პროექტის ბიუჯეტი

3.1. მიუთითეთ ცხრილში, რას შეიძენთ გრანტის თანხით და თანადაფინანსების ფარგლებში:

 

დასახელება	რაო-ბა	ერთ. ფასი, ლარი	სულ ფასი, ლარი	მოთხოვნილი თანხა, ლარი	თანადაფინანსება, ლარი

 

4. პროექტის ინოვაციურობა და განხორციელებასთან დაკავშირებული რისკები

4.1. მოკლედ აღწერეთ, რაში გამოიხატება თქვენი ბიზნესის ინოვაციურობა:

4.2. მოკლედ აღწერეთ პროექტის განხორციელებასთან დაკავშირებული რისკები და მათი შემცირების ღონისძიებები:

5. ხელმოწერა:
6. თარიღი: